Bjarki Gunnarsson er bikarmeistari GVS 2010 hann sigraði Vigni Má Eiðsson í úrslitaleik um titilinn, verðlaun verða veitt í lokahófi að lokinni bændaglímu laugardaginn 25. september.

Mótanefnd

Alla laugardaga í september og október verðum við með 9 holu golfmót (punktakeppni). Fyrsta mótið er n.k. laugardag og er skráning hafin á golf.is. Nánari upplýsingar má sjá hér að neðan:

Vídd ehf. og Excelsior golf eru styrktaraðilar haustmótaraðarinnar. Alls verða mótin níu talsins og verða haldin alla laugardaga í september og október, ef upp kemur sú staða að fresta þurfi móti vegna veðurs verður það flutt yfir á sunnudag og haldast skráðir keppendur og rástímar óbreyttir.

Einar Lyng Hjaltason og Einar Haukur Óskarsson sigruðu á 61 höggi og Ragnar Davíð Riordan og Davíð Hreinsson urðu í 2. sæti á 62 höggum nettó, í 3. sæti urðu Helgi Birkir Þórisson og Jón Ingi Ægisson en þeir urðu jafnir Pétri Þór Jaidee og Rúnari Gissurarsyni en höfðu betur á seinni 9. Alls tóku 98 kylfingar þátt í mótinu og voru veitt verðlaun fyrir fimm efstu sætin.

Í viðhengi er hægt að skoða lokastöðu.

Mótanefnd.

Gísli Jónsson varð efstur í stigamótaröðinni með 72 punkta og jafnir í 2-3 sæti urðu Jón Rúnar Gíslason og Valgeir Helgason með 71 punkt, verðlaun verða afhent í lokahófi eftir bændaglímu 25. september. Lokastöðu má sjá í viðhengi.

Mótanefnd

Golfmessa og golfmót verður haldið sunnudaginn 29. ágúst í samvinnu Kálfatjarnarkirkju og GVS.

Helgistund hefst í kirkjunni kl. 9. Veitingar í boði sóknarnefndar á eftir.
Að því loknu hefst mótið á Kálfatjarnarvelli kl. 10.
Sr. Bára Friðriksdóttir og sr. Kjartan Jónsson þjóna fyrir altari, organisti er Frank Herlufsen.

Spilað verður Texas scramble, samanlögð forgjöf deilt með 5.

Hámarks leikforgjöf karla 24 og kvenna 28.

Gísli Jónsson hefur 1 punkta forystu á Jón Rúnar Gíslason þegar eitt mót er eftir í stigamótaröðinni, uppfærð staða er í viðhengi.

Mótanefnd.

Golfklúbbur Selfoss sigraði í sveitakeppni GSÍ 4. deild, sveit GOS hafði betur gegn Golfklúbbi Grindavíkur í hörku spennandi viðureign þar sem úrslitin réðust í tvímenning á 18. holu. Golfklúbburinn Mostri hafði betur í viðureign við Golfklúbbinn Þverá í leik um 3. sætið. Því miður varð það hlutskipti okkar manna að falla niður um deild en við komum bara sterkir til baka að ári og komum okkur upp aftur. Lokastöðu og úrslit leikja dagsins má sjá í viðhengi.

Mótsstjórn

Golfklúbbur Selfoss og Golfklúbbur Grindavíkur leika til úrslita um 1. sætið í 4. deildinni í sveitakeppni GSÍ og Golfklúbburinn Þverá og Golfklúbburinn Mostri leika um 3. sætið. Það var hörku viðureign í kvöld milli GG og GMS um sæti í úrslitaleiknum þar sem úrslitin réðust á 22 holu í tvímenningi á milli Davíðs A. Friðrikssonar frá golfklúbbi Grindavíkur og Skarphéðins E. Skarphéðinssonar frá Golfklúbbnum Mostra og hafði Davíð betur. Úrslit leikja má sjá í viðhengi.

Mótsstjórn

Kylfingar ath.Völlurinn verður lokaður fyrir allri umferð á meðan á sveitakeppni GSÍ stendur og daginn fyrir hana.Minnum kylfinga í GVS að skoða vinavelli okkar og nýta sér þá.

Jón Rúnar Gíslason er efstur með 71 punkt eftir fimm mót í öðru sæti er Gísli Jónsson með 68 punkta og í þriðja sæti er Skúli Bjarnason með 61 punkt, fjórir bestu hringir af sjö telja til úrslita.

Mótanefnd