GVS verður með golf æfingar með leiðbeinanda fyrir kylfinga GVS þar sem farið verður yfir sveifluna og stutta spilið.

  1. Æfing mánud. 11.júní kl. 18-19:30 og 20-21:30
  2. Æfing fimmtud. 14.júní kl. 18-19:30 og 20-20:30
  3. Æfing mánud. 25.júní kl. 18-19:30 og 20-21:30

 

Allir velkomnir, og eru kylfingar hvattir til að nýta sér þetta fyrir golf sumarið.

 Hægt að skrá sig á lista hjá Kiddý í afgreiðslu skálans.

 

Íþróttanefnd GVS

Kálfatjörn Open 2018

Kálfatjörn Open

 

GVS heldur sitt fyrsta golfmót í ár 2018. Laugardaginn 28.apríl.

Kálfatjörn Open.

Glæsilegir vinningar eru fyrir 1.sæti í höggleik án  forgjafar, og 3 efstu sætin fyrir punkta með forgjöf.

Einnig verða veitt verðlaun fyrir næstur holu á braut 3/12 og 8/17

Opið er fyrir skráningu á Golf.is.

 

 

 

Masters 2018 í beinni ! Opið í Skála laugardag og sunnudag fyrir félagsmenn !

Opið verður í golfskála fyrir félagsmenn á laugardag  Masters í beinni kl 19.oo og sunnudag, Masters í beinni kl 18.00

Stjórnarmenn og þeir sem vilja hjálpa til að taka skálann í gegn, að þrífa og laga ýmislegt. mæting kl 16.00

Fólk má gjarnan taka með sér Hægindastól, Nei kanski þægilegan útilegustól eða samsvarandi, svo gætum við komið með snakk eða eitthvað til að maula á fram eftir kvöldi.

Útsendingu líkur um kl 23.30 á laugardag og kl 23.00 á sunnudag.

Allir félagsmenn velkomnir

Stjórnin.

Golfdómaranámskeið GSÍ

Undanfarin ár hefur dómaranefnd GSÍ haldið héraðsdómaranámskeið í golfi á tímabilinu febrúar-mars ár hvert.

Þátttakendur sem standast héraðsdómarapróf hafa réttindi til að dæma í öllum almennum mótum golfklúbba, jafnt innanfélagsmótum sem opnum mótum.

Námskeiðið verður haldið í mars næst komandi ef næg þáttaka næst og samanstendur af fjórum kvöldfyrirlestrum.

Að þeim loknum geta þátttakendur valið úr tveimur dagsetningum til að þreyta héraðsdómaraprófið.

Dagsetningar héraðsdómaranámskeiðsins eru:

Fyrirlestrar: 6., 8., 12. og 14. mars, kl. 19:30 – 22:00

Próf: 17. og 22. mars (þátttakendur velja annan hvorn daginn)
Námskeiðið er haldið í Íþróttamiðstöðinni í Laugardal. Eins og síðustu ár verða fyrirlestrarnir í beinni útsendingu á YouTube og hentar það þeim sem ekki hafa tök á að mæta í Laugardalinn. Eftir skráningu á námskeiðið fá þátttakendur senda tengla á beinu útsendingarnar.

Dómaranefndin skorar á forráðamenn golfklúbba ræða við þá félaga sem gætu haft áhuga á að starfa fyrir klúbbinn á sviði mótahalds og dómgæslu og hvetja þá til að afla sér dómararéttinda. Einnig getur verið mjög praktískt að meðlimir mótanefnda klúbbanna sæki héraðsdómaranámskeiðið. Oft á tíðum sjá mótanefndarmenn um framkvæmd golfmóta og eru þá hvort eð er á staðnum þegar mót eru haldin.

Athygli er vakin á því að námskeiðið eru ókeypis.

Skráning fer fram með því að senda tölvupóst til domaranefnd@golf.is

Með kveðju,
Dómaranefnd GSÍ