Hola 2 Utangarðs

vallarvisir_hola2

Austan við rauða teiginn við Heiðargarðinn er vatnsstæði í sprungu á Stóru-Klöpp, kallast vatnsstæðið Gjáin eða Gjáarvatnsstæði. Skammt suðvestur frá því, nær Fjósakoti, var fiskbyrgi, kallað Baráttubyrgi. Þar sér nú aðeins í undirstöðuna en gróið stæðið í kringum er eflaust vegna þess fiskúrgangs sem fallið hefur til og verið góður áburður. Slegið er yfir þar sem Heiðargarðurinn lá og er flötin nú þar sem áður var grýtt moldarflag.

Umsögn

Hola 2/11 Utangarðs

Par 4  311 metrar

Krefjandi par 4 hola.

Upphafshögg verður að vera á braut til að eiga góðan möguleika á pari. Hættur eru beggja megin við brautina, hægra megin er grjótgarður en vinstra megin eru vallarmörk (girðing) sem gleypir ansi marga bolta.

Flötin hallar verulega fremst en efri hlutinn er nokkuð flatur og hallar á móti innáhögginu, nokkuð stór og flott flöt. Par er alltaf gott skor á þessarri holu.