Hola 9 Harðhaus

vallarvisir_hola9

Slegið er yfir Harðhaus inná Fjósakotstún og þá á Hátúnstún. En Nafnið (Harðhaus) er til komið vegna þess hve illa hóllinn fór með ljá bónda á Kálfatjörn í seinni tíð. Í miðju Hátúnstúni sem girt var grjótgörðum stóð Hátún sem var grasbýli frá kirkjujörðinni en fór í eyði um 1920. Árið 1941 var þar byggður sumarbústaður en föst búseta tekin upp um 1960. Litlu sunnar við flötina liggur Heiðargarðurinn sem áður hefur verið minnst á.

Umsögn

Hola 9/18 Harðhaus.

Par 4  295 metrar

Góð lokahola sem gefur ágætis möguleika á fugli ef upphafshögg heppnast vel.

Upphafshöggið þarf að vera nokkuð nákvæmt því hættur leynast beggja vegna brautar. Hægra megin eru hvítir hælar (Vallarmörk) og vinstra megin er grjótgarður og hólar sem laða til sín kúlur. Ef teighöggið heppnast þarf að slá annað höggið yfir grjótgarð og  karga.  Flötin hallar á móti högginu. Eins getur innáhöggið verið blint því flötin er töluvert neðar en brautin.

Ef kylfingar hitta ekki flöt í innáhögginu bíður erfitt vipp því töluvert landslag er allt í kringum flötina. Flötin er nokkuð stór og hallar dálítið. Par er gott skor en gefur möguleika á fugli