Hola 1 Margrétarflöt

vallarvisir_hola1

Á Hátúnshæðinni hefst golfhringurinn. Slegið er með og yfir Heiðargarðinn, hægra megin við Fjósakot á Margrétarflöt en svo hét og heitir túnið austan við kotið. Fjósakot sem var með hæstu bæjarstæðum allra bæja í Vatnsleysustrandarhreppi var lítið grasbýli frá kirkjujörðinni og fór í eyði um 1920. Þar sér nú aðeins í grjóthrúgur en grjótið úr rústunum var tekin til uppfyllingar í grafreit á Kálfatjörn. Fyrsta og áttunda flötin liggja við svonefndar Kotagirðingar. En Kotagirðingar Móakots og Fjósakots voru hlaðnir garðar umhverfis dálitla móa, er næstir voru túnum, ætlaðir til kúabeitar.

 Umsögn

  Hola 1/10 Margrétarflöt

Par 4  275 metrar

Góð byrjunarhola, stutt en leynir á sér.

Upphafshögg verður að slá á braut því hættur leynast víða. Vinstramegin eru hólar og erfiður kargi og hægramegin er grjótgarður. Best er að vera hægramegin á brautinni því innákoman á flötina verður betra fyrir vikið. Tvær brautaglompur eru hægra megin á brautinni.

Flötin er á tveimur stöllum og leitar til hægri þar sem tvær skemmtilegar sandglompur taka við boltum sem slegnir eru þangað. Par er gott skor á fyrstu holu en góður möguleiki á fugli, ef menn eru högglangir og beinir.